Friday, May 08, 2009

ತಿಪ್ಟೂರ್ ತೆಂಗಿನ್ಕಾಯಿ

{ತೇಜಸ್ವಿಯವರ ಅಲೆಮಾರಿಯ ಅಂಡಮಾನ್ ಪುಸ್ತಕವನ್ನು ನನ್ನ ಹೆಂಡತಿ ಈಗ ಓದುತ್ತಿದ್ದಾಳೆ. ಆದ್ದರಿಂದ ಅದು ಈಗ ಮನೆಯಲ್ಲಿ ಎಲ್ಲೆಂದರಲ್ಲಿ ಕಾಣಸಿಗುತ್ತದೆ. ಇಂದು ಬಳಿಗ್ಗೆ ಕಾಫಿ ಕುಡಿಯುತ್ತ ಸುಮ್ಮನೆ ಅದರ ಒಂದು ಪುಟವನ್ನು ತಿರುಗಿಸಿದೆ. ಆ ಪುಟದಲ್ಲಿ, ಶಾಮಣ್ಣನವರ ತೋಟದ ಪಕ್ಕದಲ್ಲಿ ಏತನೀರಾವರಿ ಪಂಪಿನ ಪ್ರಾರಂಭೊತ್ಸವದ ಸಂದರ್ಭದಲ್ಲಿ ನಡೆದ ಒಂದು ಘಟನೆಯಿತ್ತು. ಪೂಜೆ ಮಾಡುತ್ತಿದ್ದ ಪೂಜಾರಿಗೆ ತೆಂಗಿನ ಕಾಯಿಯನ್ನು ಎಲ್ಲಿ ಒಡೆಯಲು ತಕ್ಷಣಕ್ಕೆ ಏನೂ ಸಿಗದೆ, ಪಂಪ್ ಸೆಟ್ಟಿಗೆ ಒಡೆದನಂತೆ. ಆಗ ಆ ಪಂಪ್ ಸೆಟ್ ಎರಡು ಭಾಗವಾಗಿ ಸೀಳುಬಿಟ್ಟಿತಂತೆ! ಅದಕ್ಕೆ ತೇಜಸ್ವಿ, ನಮ್ಮ ತಿಪಟೂರು ತೆಂಗಿನಕಾಯಿ ಅಷ್ಟೊಂದು ಗಟ್ಟಿ ಎಂದುಕೊಳ್ಳಬೇಕೋ, ಅಥವಾ ಈ ಪಂಪ್ ಸೆಟ್ ಅಷ್ಟೊಂದು ದುರ್ಬಲ ಎಂದುಕೊಳ್ಳಬೇಕೋ ಎಂದು ತಮಾಷೆ ಮಾಡುತ್ತಾರೆ. ಆ ತಿಪಟೂರು ತೆಂಗಿನ ಕಾಯಿಯ ಘಟನೆಯನ್ನು ಓದುವಾಗ ನಾನು ತಿಪಟೂರಿನಲ್ಲಿ ಬಿ.ಎಸ್ಸಿ. ಮಾಡುತ್ತಿದ್ದಾಗ ಬರೆದ ‘ತಿಪ್ಟೂರ್ ತೆಂಗಿನ್ಕಾಯಿ’ ಎಂಬ ಕವಿತೆ ನೆನಪಿಗೆ ಬಂತು. ಅದು ನನ್ನ ‘ವೈತರಣೀದಡದಲ್ಲಿ’ ಕವನಸಂಕಲನದಲ್ಲಿ ಸೇರಿದೆ. ಅದನ್ನು ನನ್ನ ಬ್ಲಾಗ್ ಓದುಗರಿಗಾಗಿ ಇಲ್ಲಿ ಮತ್ತೆ ಪ್ರಕಟಿಸುತ್ತಿದ್ದೇನೆ. }


ತಿಪ್ಟೂರ್ ತೆಂಗಿನ್ಕಾಯಿ
ಬೆಳ್ಗಾನ್ ಎದ್ದು
ಸ್ನಾನ ಮಾಡಿ
ಪೂಜೆಗ್ ಕೂತ್ರೆ
ಬೇಕೆಬೇಕು ತಿಪ್ಟೂರ್ ತೆಂಗಿನ್ಕಾಯಿ

ಪೂಜೆ ಮುಗ್ಸಿ
ಪ್ರಾರ್ಥ್ನೆ ಮುಗ್ಸಿ
ತಿಂಡಿಗ್ ಕೂತ್ರೆ
ಉಪ್ಪಿಟ್ನಲ್ಲು ತಿಪ್ಟೂರ್ ತೆಂಗಿನ್ಕಾಯಿ

ಮಧ್ಯಾಹ್ನದೂಟದ್
ದುಡ್ಡು ಉಳ್ಸೋಕೆ
ಹೋಟೆಲ್ಗೋಗಿ ಸಿಂಪಲ್ಲಾಗಿ
ಇಡ್ಲಿ ಅಂದ್ರು
ಚಟ್ನೀಲದೆ ತಿಪ್ಟೂರ್ ತೆಂಗಿನ್ಕಾಯಿ

ಸಂಜೆ ಸುಸ್ತಾಗಿ
ಮನೆಗ್ ಬಂದ್ರೆ
ಹೆಂಡ್ತಿ ತಪ್ದೆ ಕೇಳ್ತಾಳೆ
ತಂದಿದಿರೇನ್ರಿ ತಿಪ್ಟೂರ್ ತೆಂಗಿನ್ಕಾಯಿ

ಗುಂಡ್ಕಲ್ ದುಂಡಿನಂಗೆ
ನಾರಿನ್ ಸೀರೆ ಉಟ್ಕೊಂಡು
ಮೇಲ್ಮೂರ್ ತೂತು ಕಣ್ಣಿನಾಗೆ
ಒಳ್ಗೊಂದಿಷ್ಟು
ತೀರ್ಥ ಇಟ್ಕೊಂಡೈತೆ ತಿಪ್ಟೂರ್ ತೆಂಗಿನ್ಕಾಯಿ

ಹಳ್ಳೀಲ್ ಡಿಳ್ಳೀಲ್
ಎಲ್ಲಿ ನೋಡಿದ್ರಲ್ಲಿ
ಕತ್ತು ಮೇಲೆತ್ತಿದ್ರಲ್ಲಿ
ತೆಂಗಿನ ಮರ್‍ದಲ್
ಜೋತಾಡ್ತವೆ ತಿಪ್ಟೂರ್ ತೆಂಗಿನ್ಕಾಯಿ

7 comments:

PARAANJAPE K.N. said...

ಚೆನ್ನಾಗಿದೆ, ತೆಂಗಿನಕಾಯಿ ಮಹಾತ್ಮೆ

sunaath said...

ಜೈ ತಿಪಟೂರ ತೆಂಗಿನಕಾಯಿ!

Unknown said...

ಡಾ.ಹರಿಹರ ಶ್ರೀನಿವಾಸ್ ಅವರ ಈ-ಮೇಲ್ ಪ್ರತಿಕ್ರಿಯೆ
Dear Satya-narayana

Nimma blog chennagi moodi bruttide. Tipatur Tenginakai super. Aadare innodu vishya naanu keeliddu: T.T yalli hecchu kobbina amsha irutee. Aaddarinda ruchi jaasti. Nanna anisike. Nelada guna anta. Idkke neevu, nemm mgala tub bath plus Narasimha Swami ityadi saakshi?. Tipatur tenginakaaye yaake hechhu (world) famous ennalu innOdu kavana barali. Elleyoo neevu v+e jannani ennuvudannnu Aagaga jnapisikolli. Biduviddare tilisi. Bheetiyagona. Englishinalli kannada breyuvudu mujugaravenisuttide. Kaliya Beekagide. Uttarisi beega.
Inti nimma
Harihara Sreenivasa Rao

shivu.k said...

ಸರ್,

ತಿಪ್ಟೂರ್ ತೆಂಗಿನ ಕಾಯಿ ಕತೆ ತುಂಬಾ ಚೆನ್ನಾಗಿದೆ...ಮತ್ತು ಕವನವೂ ಹಳ್ಳಿಬಾಷೆಯಲ್ಲಿ ಸೊಗಸಾಗಿದೆ...

Unknown said...

ಚೆನ್ನಾಗಿದೆ ಕವನ...

Abhishek Umesh said...

Tiptur thengina kayi, chikkanayakana halli chippu
ivella iruvudu tumkurnalli.....
tumkur estadru kalpataru nadallave.

Dr. HARISH KUMARA BK (BANUGONDI) said...

ಬಹಳ ಸೊಗಸಾಗಿದೆ